Kandidatura e Ilir Metës për kreun e KLSH-së, Arben Shehu, ka përçarë grupin parlamentar të socialistëve.
Në mbledhjen e kësaj të enjte, zv.kryeministri Erjon Braçe dhe deputetët Spartak Braho e Bashkim Fino, kanë dalë kundër vendimit të PS-së, për miratimin e emrit të tij në Komisionin e Ekonomisë.
Ata kanë kërkuar llogari, përse është pranuar emri i kandidatit të Metës për kreun e KLSH-së, kur dihet që presidenti nuk është konsultuar me mazhorancën për këtë emërim
Megjithatë, pavarësisht debateve, në mbledhjen e grupit socialist është miratuar që Arben Shehu të votohet në Parlament, si kryetari i ri i KLSH-së.
Votim që pritet të mbahet javën e ardhshme, pasi për seancën e sotme nuk është futur në rendin e ditës.
/e.rr
