Një debat i fortë u zhvillua mes dy aktorëve, Edmond Budina dhe Artan Imami në emisionin Open. Replikat nisën kur Imami i tha Budinës që ka uzurpuar godinën e teatrit.
Aktori Budina u shpreh gjithashtu se për mbështetje janë të gjithë të mirëpritur dhe se nuk mund ti largojnë politikanët se në fund të fundit edhe ata janë qytetarë.
“Në Shqipëri gjithmonë është parë që politikanët janë mortja dhe është arsye se politika nuk është se ka vepruar mirë në të kundër nuk do ishim në këtë gjendje.
Por politikanët janë qytetar dhe kanë të drejtë që të marrin pjesë, ne kemi ftuar edhe socialistë dhe ideja është që të jemi të bashkuar.
Opozita na ka mbështetur dhe në opozitë janë edhe parti të majta, që mbahen për të majta dhe ne i kemi pranuar.
Politizimin e kësaj çështje e ka bërë kryeministri dhe rilindje se nuk më bën zemra që ti quaj socialist.
Vetëm këto dy dit në shtypin e majtë të huaj (kam parë) që janë të tronditur. Politikanët të marrin pjesë dhe të dëgjojnë zërin e qytetarëve mos të mendojë se ata janë padronë”, tha Budina.
“Boll recitove monologun e Lulit se është turp të gënjesh kështu, mos gënje kaq hapur se kemi qenë komshinj dhe të njoh”, tha ndër të tjera Imami.
Fill pas kësaj, Budina ka braktisur emisionin duke nënvizuar se për të nuk ishte niveli i përshtatshëm i bisedës.
Pjesë nga debati :
Budina: Teatri Kombëtar është një vlerë kulturore. Nuk i përket as kryeministrit as banorëve të Tiranës. Është Teatri Kombëtar dhe i përket të gjithë Shqipërisë.
Imami: Edmond je një uzurpator.
Budina: Kush jeni ju që më thoni mua jeni uzurpator?
Imami: Unë jam Tan Imami.
Budina: Unë nuk flas me ju. Jeni pjesëmarrës në krim. Neve desh na vranë dhe dhunuan.
Imami: Po gënjen. Më ke kërcënuar kur të thashë që do vija të merrja disa rroba të mia.
Budina: Po gënjen ti. Të të vijë turp. Nuk flas me ju.
