Gianni De Biasi ka thënë se UEFA gaboi rëndë, dhe se Shqipëria e Serbia nuk duhet të ishin në të njëtin grup.Në një intervistë për “Top Chanel” ish-trajneri kuqezi Gianni De Biasi është rrëfyer edhe njëherë se si u ndje gjatë asaj ndeshje dhe si i përgatiti futbollistët.
“Kur kemi mbërritur në aeroport ishte diçka e çmendur. Kemi mbërritur në një vend ku ishte një klimë dhe tension i çmendur.
Ishte diçka e tepruar, por e kuptova një ditë më vonë se përse ishin marrë këto masa
Ishte përpjekja e tyre për të mbajtur gjendjen nën kontroll sepse ishte frika për sulme nga grupe të ndryshme.
Nga ajo pikë jemi mbrojtur shumë mirë. Ajo që ishte jashtë kontrollit, ishte ajo që ndodhi brenda fushës. Ishte diçka absurde.
Kemi luajtur në një klimë tërësisht të vështirë. … Edhe pas shumë vitesh do ta kujtojmë se çfarë kemi kaluar. UEFA nuk duhet të vendoste dy skuadrat në të njëjtin grup”.(b.an)
