De Biasi ka vetëm fjalë të mira për Amir Rrahmanin dhe edhe ai, e merr si të kryer transferimin e 25-vjeçarit te Verona. Ish-trajneri i Kombëtares së Shqipërisë, Gianni de Biasi, ka lavdëruar mbrojtësin e Kosovës, Amir Rrahmani.
Në një intervistë për intervistë për “calciohellas.it”, De Biasi tha se Verona është duke bërë një blerje shumë të mirë. Amiri ishte shumë pranë skuadrës belge, Standart Liege, por gjërat kanë ndryshuar për mbrojtësin e “Dardanëve” dhe gazetari shumë i njohur italian, Gianluca Di Marzio, e jep lajmin si të kryer se Rrahmani do t’i bashkohet Hellas Verona në Itali dhe do të nënshkruajë kontratë 4-vjeçare.
Amiri dhe De Biasi kanë punuar së bashku te Shqipëria nga viti 2014 deri në vitin 2016. “Karakteristikat? Është një mbrojtës shumë i fortë fizikisht dhe i mirë në lojën në ajër. Nuk është i shpejtë në metrat e para, por në përgjithësi është i mirë. Ka cilësi shumë të mira teknike dhe është shumë i mirë në fazat e sulmit, në situata jo aktive. Është një djalë shumë i mirë, i gatshëm të shkojë në Itali”.
“Përmirësim? Kohët e fundit nuk e kam ndjekur atë, por sigurisht duhet të përmirësohet nga këndvështrimi i përvojës, pasi ai do të jetë në një kampionat më të rëndësishëm sesa ai kroat. Megjithatë të luash në Ligën e Europës, të përmirëson. Megjithatë, ai mbetet kreu i ekipit kombëtar të Kosovës dhe prandaj nga kjo pikëpamje, unë besoj se ai do të jetë një të ardhme të mirë përpara. Mendoj se Verona ka bërë një zgjedhje të mirë”. “Kujtimet me të? Nuk kam ndonjë anekdotë kurioze. Ai është një djalë i cili me të vërtetë dëshiron të mësoj”.
“Seria A? Do ta shohim pas dy muajsh nëse do të jetë gati. Unë mendoj se ai është një lojtar me cilësi interesante, të fortë fizikisht dhe të shkëlqyer në markim. Nuk është i shpejtë, por nuk është lojtar që fle në këmbë”. Amiri së fundmi ishte kapiten i Kosovës në ndeshjet e qershorit, në barazimin 1-1 me Malin e Zi dhe fitoren e madhe 3-2 ndaj Bullgarisë.
Ai është pjesë e Dinamo Zagreb që nga viti 2016.
