Gianni De Biasi ka shprehur keqardhje që Adnan Januzaj nuk vendosi të luajë për Kombëtaren e Shqipërisë, por për Belgjikën.
Në një intervistë për mediat italiane, si shkak i kësaj zgjedhjeje, përzgjedhësi i kuqezinjve ka fajësuar babanë e futbollistit të Manchester Unitedit, Abedin Januzajn. Sipas De Biasit, babai i futbollistit kosovar është sjellë keq me kuqezinjtë.
“Januzaj? E ka zgjedhur Belgjikën për babanë i cili kërkonte më shumë famë. Me ne nuk ka negociuar asnjëherë, është sjell keq”, ka deklaruar De Biasi për mediat italiane. Para se ta zgjidhte Belgjikën, Gianni De Biasi kishte bërë përpjekje shumë të mëdha që të takojë babanë e mesfushorit.
