Gianni de Biasi ka thënë se nuk është e lehtë që të luash një ndeshje dy herë, por fatmirësisht Kombëtarja shqiptare mori tre pikët e para në rrugën drejt kualifikimeve për Botërorin “Rusia 2018”.
“Sigurisht një ndeshje që luhet dy herë nuk është diçka që ndodh shpesh. Duhej të nisnim sa më mirë këto 15 minuta, Ata kanë një ekip të mirë”, tha fillimisht De Biasi.
“Luanim ndaj një kundërshtari të vështirë dhe i gëzohemi kësaj fitore sepse jemi në vend të parë me Italinë dhe Spanjën”, shtoi ai.
“Besoj se kemi lojtarët e duhur për të luajtur me sistemin 3-5-2. Ne duhet t’i përshtatemi gjithmonë Kombëtares që kemi përpara. Maqedonia mbrëmë ka luajtur me pesë mbrojtës, derisa ata pothuajse gjithmonë luajnë me katër mbrojtës”, shtoi mes tjerash trajneri italian.
Sa ka fjetur mbrëmë De Biazi dhe sa herë e ka parë ndeshjen?
Nuk fjeta shumë se shkova në shtrat në orën 2, por e kam riparë ndeshjen e djeshme dhe të gjitha të tjerat e Maqedonisë për të parë se ku mund të sulmonim sot.
A mundet ta fillojë Shqipëria me këtë formacion, këtë të 15 minutave të fundit?
Po, pse jo. Ekipi mund të luajë në mënyrë të tillë, por edhe dje, kishim një mesfushor si Hyka, bëri fillim të mirë, por deri sa stakoi trurin nga ndeshja aty filluan problemet.
“Është një ndeshje që luhet në dy ditë, është diçka e çuditshme. Është e vështirë që ekipi të luajë këto 15 minuta me intensitet. Për më tepër që është një kundërshtar i rrezikshëm. Është e vështirë për të karikuar skuadrën për 15 minuta? Nuk ishte e vështirë për të karikuar skuadrën pasi bëmë një ndeshje të parë shumë të mirë dhe një pjesë të dytë që nuk luajtëm siç duhet.
Luanim ndaj një kundërshtari të vështirë dhe i gëzohemi kësaj fitore sepse jemi në vend të parë me Italinë dhe Spanjën. Ndërprerja e ndeshjes shkoi në favorin tonë? Tani mund të themi që na bëri nder, sepse e fituam ndeshjen.
Por futbolli është i paparashikueshëm. Por duke parë mënyrën si po luanim në pjesën e parë askush nuk mund të mendonte se do luanim në pjesën e dytë dhe Maqedonia do na vinte për fund”, vazhdoi De Biazi.
Kemi ne lojtarë për 3-5-2?
Ne i kemi lojtarët e duhur për të luajtur me sistem 3-5-2. Mjafton të kemi 3 qendërmbrojtës. Kemi edhe Agollin, Lenjanin, Hysajn dhe Roshin. Maqedonia ka luajtur me katër mbrojtës gjithmonë, ndërsa mbrëmë me pesë.
Keni ndryshuar skemën 60 minuta para ndeshjes?
Po. Sot ishte një vepër shekspiriane.
Ti sot ishe regjizor. Nga dje dhe sot çfarë ndryshove?
Jam munduar që të ndryshoj mentalitetin e fituesit, që të mos kënaqemi me veten dhe të kërkojmë maksimumin.
Cila të shijoi më shumë, fitorja me Serbinë në CAS apo kjo me Maqedoninë? Cfarë do presim në këtë edicion?
Mua më shijojnë më shumë fitoret në fushë sesa ato në salla gjyqesh. Ndeshjet më të vështira do jenë kundër Maqedonisë, Izraelit dhe Lihteshteinit.
/a.m.
