Trajneri i Kombëtares shqiptare Gianni De Biasi ka shprehur mjaft pakënaqësi për humbjen e pësuar nga Shqipëria mbrëmjen e së hënës në Elbasan Arena dhe sidomos është shprehur i nxehur me mënyrën sesi u pësua goli, pas një gabimi në mbrojtje.
“Në pjesën e parë vuajtëm cilësinë e Portugalisë. Kishim presionin edhe të rezultatit që duhet të arrinim. Pas hyrjes së Bashës në pjesën e fytë patëm qarkullim më të mirë topi. Pësuam gol pasi humbëm topin në një aksion tonin. Pati përgjumje në mbrojtje dhe nga këndi pësuam golin”.
Por De Biasi nuk ka dashur ta dramatizojë situatën duke theksuar se, me Portugalinë mund të humbasesh. “Edhe pse sot shpëtuam nga një rast që kishte Kristiano Ronaldo. Nuk luajtëm me një skuadër të lehtë. Rezistuam për shumë minuta. Por lodhja shkakton të papritura dhe gabime”, tha ai.
Duke parë pjesën e dytë De Biasi u shpreh se meritonim më shumë. Sot Portugalia tregoi më shumë se ne, por në minutën e 90 –të mendova se do barazonim, tha De Biasi.
Ai theksoi se, rezultati i sotëm kishte rëndësi të dysfishtë, pasi nëse fitonim Portugalia do të luante fort ndaj Danimarkës dhe ne shkëputeshim. Tashmë, shtoi De Biasi, “kemi dy ndeshje të rëndësishme. Do presim rezultin e Portugalisë ndaj Danimarkës dhe do luajmë shanset tona”.
Pyetjes nëse ka gabuar ai , De Biasi u përgjigj se, “Mund të jetë që kam gabuar edhe unë. Trajneri gabon gjithmonë edhe kur fiton”. /ATSH/
