Humbja kundër Sassuolës mund të ketë minimizuar shanset e Moreno Longo në stolin e Frosinone, me Longo që rrezikon seriozisht shkarkimin. Vendimi pritet të merret në ditët në vijim, ndërkohë që mediat italiane kanë nisur nga puna për të gjetur zëvendësuesin e Longos.
Ish-trajneri i Beneventos, Marco Baroni besohet se do të jetë pasuesi i mundshëm i Longos, ndërkohë që pas nuk mbetet as emri i ish-trajnerit të kombëtares Shqiptare, Gianni De Biasi. Italiani i natyralizuar në shqiptar është pa ekip që prej muajit nëntor të vitit 2017 dhe Frosinone shihet si klubi ku mund të ringrijë karrierën e tij.
Siç është raportuar nga “La Gazzetta dello Sport”, në garë pritet të futet dhe Francesco Guidolin, por firma me të shihet si e pamundur. Kjo nuk është hera e parë që De Biasi vendoset në listën e dëshirave të klubeve, pas kandidaturës së kombëtares së Azerbajxhanit apo skuadrës së Seria A, Bologna./a.cupaj
