Mbesa e madhe e presidentit amerikan Joe Biden, Naomi, vajza e Hunter Biden, u martua me Peter Neill të shtunën në Shtëpinë e Bardhë, raporton BBC.
Bëhet fjalë për dasmën e parë në Shtëpinë e Bardhë që nga viti 2013 dhe e 19-ta që nga dasma e parë që u zhvillua në 1812.
Naomi dhe Peter vendosën ta mbajnë martesën larg syve të publikut, por Biden dhe gruaja e tij, Jill dhanë një deklaratë dhe treguan disa foto nga dasma.
Shpenzimet e dasmës do të mbulohen nga familja Biden, tha Shtëpia e Bardhë.
Dasma e mëparshme u zhvillua në vitin 2013 kur presidenti i atëhershëm Barack Obama lejoi fotografin e Shtëpisë së Bardhë Pete Souza të martohej në një pjesë të Shtëpisë së Bardhë të quajtur Kopshti i Trëndafilave, i cili ngjitet me krahun perëndimor të rezidencës së kryeministrit amerikan.
/s.f
