Kryetari i Partisë Lëvizja për zhvillim Kombëtar , Dashamir Shehi ka deklaruar se Partia Demokratike po humbet zgjedhjet lokale pasi nuk ka kryer reformat e duhura brenda saj.
I ftuar në studion e lajmeve në “TemA TV” Shehi ka thënë se humbja e opzitës në 2013 është ende e fresket dhe kjo ka ndikuar në mos zhvillimin e Partisë Demokratike.
Gjithashtu Shehi thekson se keto zgjedhje ishin të qeta jo për shkak të gaditshmërisë së Policisë së Shteit, por kanë ndikuar disa faktorë të tjerë.
“Zgjedhjet janë bërë më të qeta jo se pse ka ndërhyrë Policia e Shtetit, policët edhe kësaj radhe janë ngatërruar, policët nuk do të dalin të larë. Së pari mendoj se njësitë e sherrit janë zvogëluar dhe këtë e tregojnë dhe statistikat. Së dyti karriget e kryetarve të bashkive janë larguar nga zonat e sherrit dhe së treti dhe gjuha e lidershipit ka ndryshuar është bërë më e moderuar” është shprehur kryetari I LZHK-së.
Pyetjes së moderatores se a ka përgjegjesi Lulëzim Basha nëse opozita humb bashkine e Tiranës , Dashamir Shehi i është përgjigjur :
“Ketë do ta gjykojmë pas përfundimit të këtij procesi. Zoti Basha ka bërë në Tiranë disa punë, ashtu si nuk ka bërë dhe shumë të tjera. Nuk është përgjegjësi e Bashës nëse PD humb Tiranën. Tirana është e humbur nga opozita ndoshta sepse qytatari ka nevojë për ndryshime. Politika është një llojë ylberi që kërkon të analizohet në të gjitha këndvështrimet” ka thënë Dashamir Shehi për Tema Tv.
