Kryetari i partisë Lëvizja për Zhvillim Kombëtar, i ftuar në studion e televizionit ABC News, në rubrikën “Mbrëmja”, teksa sulmoi qeverinë për vrasje të shpresës së shqiptarëve, nuk i ka kursyer kritikat as edhe ndaj opozitës, ku bën pjesë edhe ai.
Sipas tij, qeveria është në grahmat e saj të fundit, dhe se dy javët që vijnë janë për t’i thënë ndal së keqes.
Shehi tha se, opozita duhet të rindërtohet për t’u bërë alternativë qeverisëse, e për këtë duhet ende shumë punë, duke përfshirë edhe vetting në radhët e opozitës.
Nje kercenim direkt ndaj ish kryeministrit Sali Berisha dhe Lulzim Basha, qe nga koha e qeverisjes se tyre kane shume gjynahe, qe nga Gerdeci, Rruga e Kombit, 21 janari e deri tek privatizimi i OSSH nga CEZ dhe eferat me kete rast.
Më tej ai shtoi: “Këtu vdesin përditë njerëz, ka humbur sensi i jetës. T’i lëmë aksidentet, por këtu po vdes në punë. Ku është shëndetësia falas? Ku është rilindja?”
Në vijim, ai tha se protesta e paralajmëruar e opozitës për tu mbajtur më 26 maj, është një protestë e përmasave kombëtare, për t’i thënë ndal së keqes.
