Për kreun e LZHK-së, Dashamir Shehi çështja ndaj Sali Berishës duhet të marrë fund, pasi sipas tij ka bllokuar politikën shqiptare dhe emancipimin që mund të vijë nga kampi opozitar. Shehi u shpreh se nëse Sali Berisha ka bërë zullume, ato të sqarohen ditën e gjyqit dhe të mos merret kush me këtë histori.
Ai tha se nuk mund të merremi gjithë kohës me Sali Berishën, duke diskutuar sa herë që ai të paraqitet në SPAK.
“Për mua politikisht, duhet që atë Berishën ta lirojnë mos të merren me këtë punë. Ca kuptimi ka që e thërrasin për figurën që ka pasur, rolin brenda institucioneve dhe moshën që ka. Nëse ka zullume për t’u sqaruar të sqarohen ditën e gjyqit dhe të mbarojë kjo histori. Se ka bllokuar politikën shqiptarë dhe emancipimin që mund të vijë nga kampi opozitar. Kjo çështje do kthehet pas dy javë, prapë me këtë punë do merremi ne? Nëse ky njeri ka bërë ato që pretendojnë të marrin vendim dhe të mbyllet kjo histori. Unë po jap një gjykim politik. Nëse do të çlirosh nga ky ngërç opozitën, politikën duhet ta mbyllin këtë punë”, tha Shehi në News24.
