Në një intervistë për Mapo, kreu i LZHK Shehi thotë se Berisha është një njeri i të djeshmes, me të cilin nuk ndërtohet e nesërmja. “Nëse do t’u delegohet sërish kohëve të vjetra për të zgjidhur kohët e reja, unë gjykoj që kjo është një nga gabimet opozitare. Absolutisht kjo është një nga gabimet opozitare. Për të ecur përpara nuk kthehet koka pas. Nuk mund të ndërtojmë politikën e së nesërmes me njerëzit e së djeshmes. Këtu hyjmë në kontradiksion.
Pra, një ndarje definitive me të kaluarën e vet, një reflektim autokritik për gabimet që ka bërë sepse vetëm kjo na jep duart e pastra, fytyrën e larë, moralin e lartë për të kërkuar për qytetarët ndryshim dhe për të qenë kritikë mbi ata që janë sot”, thotë ai. Duke shtuar se “Berisha duhet të qëndrojë në lavdinë e vet, në shenjtërinë e vet.
Nëse do të bëhet interpretues, unë kam idenë që do të krijojë një mjegullnajë dhe një dyzim të pushtetit brenda PD-së dhe një mosmbyllje definitive të etapave.
Pra nuk fillojmë një cikël të ri, por rrotullohemi rreth vetes”
