Kryeministri Edi Rama u shpreh i vendosur për miratimin e projektit të portit të Durrësit.
Në fund të fjalës, deputeti demokrat Dashnor Sula e ndoqi pas duke i shkuar te karrigia.
Garda ndërhyri me shpejtësi. Por kreu i qeverisë i kërkoi që të largohet.
Biseda mes tyre nuk dëgjohet, pasi ishte pa mikrofon, por në dorë Sula mbante disa letra dhe një pankartë të darkës te “Nusreti”.
Biseda zgjati disa minuta dhe më pas Sula u rikthye në vendin e tij.
Me disa letra ne duar, Sula dhe Rama kanë diskutuar për disa minuta me njëri tjetrin, madje u duk sikur mes tyre pati debate, çka bëri që pranë tyre të afroheshin edhe punonjësit e sigurisë se Kuvendit.
Por në fund Sula dhe Rama, pasi u sqaruan i dhanë dorën njëri-tjetrit.
Kujtojmë që Rama sot foli me tone të ashpra, madje nuk i kurseu as ofendimet ndaj opozitës. Në momentin që Rama ishte duke folur në Kuvend, deputeti i Partisë Demokratike, Dashnor Sula, ka nxjerrë një fotografi të ministrave të qeverisë, teksa darkojnë në Dubai te restoranti i Nusretit.
Pak kohë më parë kryeministri Rama, u përplas me deputetin Sula duke e quajtur atë “gjel deti i Peqinit”.
/s.f
