Gazetari Ardit Rada, i ftuar në Euronews pyeti sot ish-deputetin demokrat Dashnor Sula, nëse është e vërtetë që ai do përkrahë një kandidat socialist në këto zgjedhje.
I ndodhur përpara këtij informacioni, ish-deputeti demokrat pranoi se është e vërtetë që në qarkun e Elbasanit do të mbështesë një kandidat në listën e hapur të PS, për shkak të lidhjeve familjare që ka bashkëshortja e tij me kandidatin.
Edhe pse gazetari Rada nuk e zbuloi emrin e kandidatit, Sula tha se ky informacion është i saktë dhe është i detyruar të ndjekë këtë fushatë për aq koha sa ai vetë u përjashtua nga listat.
Ndërkohë, Sula u shpreh se ka kërkuar takim me Sali Berishën dhe nuk ka marrë përgjigje prej këtij të fundit.
