Një prej zërave të fortë në kampin e së djathtës, Dashamir Shehi, shfaqet mjaft kritik ne lidhje me qëndrimin e opozitës për reformën në drejtësi. Sipas tij, në këto muaj diskutime, demokratët kan treguar paqëndrueshmëri për ketë reformë duke ndryshuar në bazë të interesave. Në një intervistë për Ora News, aleati demokrat tha se një afrim i mundshëm me LSI-në do ishte shkatërrim për të djthtën. Shehi mbështet zgjerimin e koalicionit të djathtë përfshirë dhe Frymën e Re Demokratike.
Kryetari i Lëvizjes për Zhvillim Kombëtare, Dashamir Shehi, i ka kërkuar lidershipit demokrat që të këtë një qëndrim të qartë për reformat e rëndësishme, përfshirë drejtësinë.
Sipas tij, Partia Demokratike nuk është koherente në qendrimin e saj për reformën në drejtësi, duke u përkthyer sipas interesave dhe negociatave me aktore të drejtësisë dhe diplomacisë.
Dashamir Shehi: Njëherë ishin kundër kësaj, çështë kjo FBI-ja shqiptare. Me zullum të madh, tani na doli që qenkan të dashuruar. Njëherë ishin për 2/3, tani themi që mund të gjejmë një lloj konsensusi. Nuk ka një linjë të qartë për këtë punë dhe shpesh herë kjo linjë përthyhet, nuk është principi.Përthyhet sipas interesave, takimeve me Ambasadorët, presioni që bëjnë të huajt, negociatat me shefat e drejtësisë që janë në Shqipëri.Pse? Se një pjesë e njerëzve kanë probleme me drejtësinë, ky është realitet, nga të gjitha palët.Është një realitet i dukshëm në Shqipëri.
Aleati i demokratëve, i cilëson të dëmshme për opozitën aludimet për një afrim të mundshme me Lëvizjen Socialiste për Integrim.
Shehi është i bindur se për shkak të qeverisjes me këtë forcë politike nga viti 2009 deri në vitin 2013, e djathta humbi elektorat por dhe një pjesë të moralit.
Dashamir Shehi: Kjo lloj inxhinierie politike që e ka prodhuar rezultatin, u bë njëherë kjo, do ishte shumë e turpshme të rikthehej prapë.Unë për vete nuk pranoj, mund të ndodhin të gjitha, por unë besoj që nuk ka për tu bërë. Sepse nga kjo lloj marrëdhënie, nga kjo lloj simbioze politike fitues ka dalë gjithmonë LSI. PD humbi votat, e djathta humbi votat, humbi dhe një pjesë të moralit, një pjesë të fytyrës nga kjo lloj marrëdhënie.
Shehi kërkon nga Partia Demokratike të zgjerojë koalicionin opozitar, përfshirë këtu dhe Frymën e Re Demokratike të Bamir Topit.
Dashamir Shehi: Ky sigurisht që është shumë më afër përtej raporteve personale që nuk i kemi shumë të këndshme. Është më afër politkisht sesa partitë e tjera. Mirë, keq, e ka një lloj faktori të tij politik. Jo për këto, por për të gjithë hartën, përveç këtyre që qeverisin.
Kryetari i LZHK-së, është besimplotë se e djathta mund të rikthehet në pushtet, por sipas tij gjatë kësaj kohe ajo duhet të projektojë një platformë të qartë politike për të ndryshuar realitetin në vend.
Dashamir Shehi i kërkon gjithashtu Partisë Dmokratike që të investohet në ndryshimin e sistemit zgjedhor dhe për këtë si zgjidhje ai propozon lista propocionale kombëtare të hapura, si dhe mbështet vendosjen e sistemit prim.
