Departamenti Amerikan i Shtetit (DASH) ka publikuar Raportin e Transparencës Fiskale për vitin 2025, i cili vlerëson nëse qeveritë që marrin ndihmë nga SHBA-të plotësojnë kërkesat minimale të transparencës fiskale.
Në këtë raport, Shqipëria është mes 71 vendeve që përmbushin standardet. DASH thekson se vendi ynë ka bërë përparim të rëndësishëm në këtë fushë, duke adresuar mangësitë kryesore që kishin penguar transparencën fiskale në të kaluarën.
Çfarë përfshin raporti?
Raporti analizon nëse qeveritë publikojnë dokumentet kryesore të buxhetit, si buxheti i përgjithshëm, raportet e auditimit të jashtëm dhe informacionet mbi kontratat dhe licencat e qeverisë. Për të plotësuar kërkesat minimale, këto dokumente duhet të jenë të disponueshme për publikun, të jenë mjaftueshëm të plota dhe të jenë përgjithësisht të besueshme. Në raportin e këtij viti, 72 shtete kanë plotësuar këto kërkesa, ndërsa 25 të tjera kanë bërë përparim të dukshëm drejt përmbushjes së tyre.
Po sa ka përparuar Shqipëria?
Shqipëria ka bërë përparim të konsiderueshëm në fushën e transparencës fiskale. Sipas raportit të DASH, qeveria shqiptare ka adresuar mangësitë kryesore që kishin penguar transparencën fiskale në të kaluarën. Kjo përfshin publikimin e dokumenteve të plota të buxhetit, përmirësimin e proceseve të auditimit dhe rritjen e aksesit të qytetarëve në informacionin financiar të qeverisë.
Transparenca fiskale është një element kyç i menaxhimit efektiv të financave publike. Ajo ndihmon në ndërtimin e besimit të tregut, mbështet qëndrueshmërinë ekonomike dhe promovon llogaridhënien e qeverisë. Për qytetarët, transparenca fiskale ofron mundësinë për të kuptuar se si shpenzohen taksat e tyre dhe për të mbajtur qeverinë përgjegjëse për përdorimin e fondeve publike.
