Darka e Mitsotakis në Athinë, Rama: U përdor për të na dërguar mesazhe kontradiktore. E kuptoj që ka palë të treta që…

Kryeministri Edi Rama ka reaguar sot në lidhje me darkën e thirrur nga Qirjako Micotaqis në Athinë për liderët e Ballkanit Perëndimor, për ku mungoi një ftesë për kreun e ekzekutivit shqiptar.

Përmes Twitter, Rama shkruan se uron që takimi të jetë produktiv. Ai shton se darka u përdor për t’i dërguar Shqipërisë mesazhe kontradiktore.

Kryeministri i Shqipërisë ndalet edhe tek ftesa e Micotaqis për Bajram Begajn. Ai thotë se në tetor, Rama pret homolgun e tij dhe as nuk e mendon të ftojë Presidentin e Greqisë.

Rama shprehet se për situatën e krijuar ka palë të treta që janë të interesuara për marrëdhënie të tensionuara…

EDI RAMA:

Kjo është përgjigjia ime për të gjithë, në Greqi, Shqipëri apo gjetkë që komentuan në mënyra të ndryshme për mungesën time në Athinë, por edhe për gazetarët që kërkuan mendimin tim dhe nuk morën përgjigje përpara takimit informal. Arsyeja është e thjeshtë: Nuk doja të shqetësoja mikpritësin dhe të ftuarit e tij, për të bërë më shumë zhurmë përpara se miqtë e mi të mirë që u mblodhën në Athinë të përfundonin punën e tyre.

Jam shumë i lumtur që Kyriakos mori iniciativën dhe me liderë të tjerë shumë të rëndësishëm të diskutojnë për të ardhmen europiane të Ballkanit nën sfondin e agresionit rus. Rajoni ka nevojë që Greqia të përfshihet më shumë në rrugën tonë të përbashkët. Unë i kam thënë gjithmonë atij apo miqve të tjerë grekë, edhe publikisht në disa raste, se besoj sinqerisht që vendi i tyre ka rol të natyrshëm në Ballkan duke pasur parasysh profilin dhe përvojën në BE.

Shpresoj shumë që takimi të ishte produktiv dhe sigurisht nuk doja të shikoja që darka të përdorej për t’i dërguar Shqipërisë një mesazh kontradiktor kundrejt qëllimit ambicioz të nismës.

Për sa më përket mua, të flasësh, komunikosh, debatosh me miqtë, aleatët, partnerët, fqinjët është thelbi i politikës ndërkombëtare dhe gjithmonë të përpiqesh të vendosësh veten në vendin e tjetrit është domosdoshmëri. Aq më tepër kur duket se gjërat po shkojnë keq.

Në Tetor Shqipëria do të kryesojë samitin e Procesit të Berlinit në Tiranë. Natyrisht që miku im i dashur dhe kolegu i respektuar në Athinë është ftuar të marrë pjesë dhe nuk do ta imagjinoja kurrë që t’i përgjigjesha njësoj, që në vend të tij të ftoja Presidenten greke, për të cilën kam gjithashtu respekt të madh.

Unë e kuptoj presionin e palëve të treta, që janë të etur për të shfrytëzuar çdo rast. Por përpara kemi sfida shumë më të mëdha, male për t’u ngjitur. Ajo që duhet të na bashkojë në kohë të tilla për hir të popujve tanë, vendeve tona, rajonit tonë, Europës është më e madhe se ajo që na ndan.

/a.r

Here is my answer for all those, in Greece, Albania or elsewhere, who commented in various ways or were perplexed by my absence in Athens, but also for the journalists that asked for my opinion and didn’t get a response before the event. The reason is simple: I did not want to… pic.twitter.com/Gu1XB2dZiV

— Edi Rama (@ediramaal) August 22, 2023