Danilo qeshet dhe tërheq pantallonat në njërën këmbë për të treguar një tatuazh poshtë gjurit të tij të majtë, që thotë: “Conquistando o impossivel pela fe” (Pushtimi i të pamundurës me besim).
Braziliani tregon se para transferimit te Manchester City për 30 milionë euro këtë verë, ishte pikërisht ekipi anglez që pati një ndikim përcaktues në karrierën e tij, shkruan “The Guardian”, transmeton “Koha Ditore”. Ai ka një mënyrë të lehtë për të treguar për jetën dhe karrierën tashmë të një ylli futbollistik. Me vetëm 26 vjet, ai ka shënuar golin që ia siguroi skuadrës së Santosit triumfin në Copa Libertatores.
Ka dy tituj kampioni të njëpasnjëshëm që i ka fituar te Porto dhe, po ashtu, ka shijuar sukseset me fanellën e Real Madridit: dy trofe të Ligës së Kampionëve dhe titullin në La Liga.
Të gjitha këto suksese, Danilo i arriti për shkak të vendosmërisë së tij, që i mundësoi të tejkalojë lëndimin e rëndë të gjurit, të cilin e pësoi pesë vjet më parë dhe kjo në ndeshjen ndaj Cityt… (b.an)
