Partia Bashkimi për të Drejtat Njeriut zhvilloi sot me 2 Korrik 2016 kongresin, në kuadër të ristrukturimin dhe riorganizimit të saj në mbare territorin.
Në këtë Kongres u paraqit edhe programi i ri i Partisë. Partia Bashkimi për të Drejtat si një parti liberale sociale shpalli dhe pranoi parimet e saj themelore të cilat janë të shprehura edhe në deklaratën e parimeve: liria, barazia, drejtësia sociale, humanizmi, solidariteti, paqja, toleranca, barazia e shanseve, fqinjësia e mire dhe respekti për pakicat, të dobëtit dhe të pambrojturit.
Në fund delegatët u ftuan të rikonfirmojnë mandatin e kryetarit aktual Z. Vangjel Dule. Nga 382 delegatë me të drejtë vote të regjistruar, votuan 345 prej tyre; 322 votuan pro rikonfirmimit të Kryetarit aktual, 8 vota kundër dhe 15 abstenime./a.m.
