Policia franceze arrestoi ditën e djeshme në orët e pasditës liderin e AAK-së dhe ish kryeministrin e Kosovës Ramush Haradinaj, një lajm që hidhëroi shumë shqiptarë dhe lumturoi shumë serbë. Portali Koha.net ka mundur të sigurojë pamjet video të arrestimit të Ramush Haradinajt.
Pamje nga arrestimi Haradinaj në aeroport by kohanet
AVOKATI I HARADINAJT: LIROHET SOT NGA BURGU
Avokati i Ramush Haradinajt, Arianit Koçi sqaron se kreu i AAK-së do të paraqitet gjatë ditës së enjte në zyrën e Prokurorit të Përgjithshëm, të Gjykatës së Apelit në Kolmar.
Dhoma hetimore e kësaj gjykate do të shqyrtojë kërkesën e Serbisë për ekstradim. Koçi shkruan se Franca është një prej vendeve që e ka mbështetur më fort Kosovën në rrugën drejt lirisë dhe i njeh shumë mirë rrethanat gjatë dhe pas luftës në Kosovë.
Për këtë arsye, avokati shpreh bindjen se pretendimet e Beogradit do të rrëzohen dhe Haradinaj do të lihet i lirë brenda ditës.
REAGIMET NE SHQIPERI
Arrestimi i tij është pritur me tone të ashpra në Kosovë por edhe në Shqipëri. Këtë të enjte, Ministri i Jashtëm Ditmir Bushati, kreu i Kuvendit Ilir Meta, Kryeministri Rama por edhe PD, e kanë cilësuar ndalimin e Ramushajt si një veprim të dënueshëm në kushtet kur lideri i AAK-së është çliruar nga dretësia për akuzat që kanë rënduar mbi të.
Më “eskplicit” në reagimin e tij ka qenë kryeministri Rama i cili e ka quajtur arrestimin si një akt skandaloz, në kushtet kur arrestimi është bërë pas një urdhër arresti lëshuar nga Serbia në fillim të viteve 2000.
Arrestimi i Ramushajt është bërë pranë aeroportit të Bazelit./java/a.k
URDHER-ARRESTI SERBISE
