Ky është momenti tragjik, nga aksidenti i ndodhur mëngjesin e sotëm në tiranë, ku si pasojë e një përplasje me makinë ka humbur jetën një e moshuar.
Policia në njoftimin zyrtar sqaroi se ‘Bulevardi “Gjergj Fishta”, në afërsi të urës tek ish stacioni i fundit i Tiranës së Re, drejtuesi i automjetit tip “Renault”, shtetasi Sh. S., 23 vjeç, ka aksidentuar shtetasen, rreth 75 vjeçare, e cila ka gjetur vdekjen e menjëhershme si pasojë e goditjes’ ndërkohë që një qytetar që ka qenë dhe dëshmitar në vendngjarje ka shkruajtur për Jeta osh qejf, se e moshuara nuk kishte kaluar në vijat e bardha që janë për kalimtarët.
“Një grua u përplas nga një mjet tip “Nissan”. Sapo u konfirmua vdekja e saj me ardhjen e ambulancës. Si dëshmitar në vendngjarje mund të them se gruaja po kalonte rrugën jo në viza të bardha dhe shoferi nuk kishte mundësi manovrimi, mund të binte në Lanë.”, ka thënë qytetari. /b.d
