Një aksident ka ndodhur në Durrës ku një auto-ambulancë është përplasur me një mjet tip Benz.
Aksidenti ka ndodhur gjatë ditës së sotme në lagjen nr. 13, por fatmirësisht nuk ka të rrezikuar për jetën.
Autoambulanca po transportonte për në spital një të sëmurë, por një automjet tip Benz me targë AA 582 FH, që drejtohej nga I.R., 36-vjeç, dyshohet se i ka prerë rrugën në kryqëzim.
Si pasojë e përplasjes është lënduar pasagjerja E.R., 44-vjeçe, e cila ndodhet nën kujdesin e mjekëve, jashtë rrezikut për jetën.
Ndërsa personeli shëndetësor dhe i sëmuri nuk patën dëmtime.
Ngjarja ndodhi jashtë fashës kur lejohet lëvizja e automjeteve civile.
Pas mbërritjes në vendngjarje, policia po punon për detajet e aksidentit.
Një video e publikuar nga Report TV shfaq pamjet e aksidentit në qytetin bregdetar.
Në video vihet re se aksidenti mund të kishte qenë fatal jo vetëm për pasagjerët në makinën tip “Benz” dhe ambulancën, por edhe për personat që ndodheshin në kryqëzimin e rrugës në atë moment, mes të cilëve ndodhej dhe një fëmijë i vogël.
Fëmija ka shpëtuar mrekullisht pa u lënduar.
Gjithashtu dhe një qytetar që kishte qëndruar me biçikletë në kryqëzim ka shpëtuar pa u lënduar, por biçikleta është shkatërruar tërësisht.
