Opozita që nga dita e parë, është përpjekur me të gjitha format të prishë protestën e studentëve. Në përfundim të afatit të vendosur për kryeministrin Edi Rama, PD nëpërmjet deputetëve Flamur Noka dhe Grida Duma, iu ka çuar mesazh drejtuesve të Forumit Rinor të PD-së, të shkojnë tek “Zogu i Zi”. Ata kanë kërkuar që ata të bllokojnë “Zogun e Zi”, në mënyrë që asnjë student të mos shkojë në debatin me Edi Ramën, në Top Channel.
“Të mbahet sa më gjatë Zogu i Zi, që të mos shkojë njeri në Top Shoë”, iu shkruan Grida Duma, drejtuesve të FRPD-së.
Burime pranë Partisë Demokratike konfirmojnë se qëllimi është inskenimi i skenarëve të dhunës, nga ana e “studetëve” për të mundësuar precipitimin e situatës. Një numër prej të rinjve të FRPD, të cilët u panë në kamera në protestën e banorëve të Unazës së Madhe janë aktualisht të maskuar si studentë tek Zogu i Zi dhe kanë urdhër që të shfrytëzojnë situatën për të provokuar forcat e rendit.
Aktualisht, përveç anëtarëve të organizatave rinore të PD dhe LSI, tek “Zogu i Zi” mësohet se janë të pranishëm edhe policë bashkiakë të Bashkisë së Kamzës dhe administratë e Bashkisë së Vorës, të dyja këto të kontrolluara nga Partia Demokratike.
Pas daljes së mesazheve në media, PD ka reaguar duke e cilësuar fotomontazh dhe fake news.
“Mediave u është shpërndarë nga qeveria një fotomontazh me emrat e disa drejtuesve të PD. Fotomontazhi ka për qëllim të tregojë se në PD është ngritur një grup që koordinon protestën e studentëve. Kjo është një sajesë e propagandës banale të Edi Ramës, i kapur nga paniku për shkak të protestave në të gjithë Shqipërinë. Jemi në dijeni se po ju bëhet presion për ta publikuar, por është në nderin tuaj, të mos bini pre e mashtrimit të trashë qeveritar. Ju keni çdo mundësi të bëni verifikimin tuaj të pavarur për të provuar se ky është fake news” thotë Partia Demokratike.(TemA)/a.meta
