Dalin fotot e satelitëve të Shqipërisë, Rama: Do të lëshohen në hapësirë nga Florida. Ja funksioni i tyre

Kryeministri Edi Rama ka publikuar sot pamjen e dy satelitëve që do të lëshohen në hapësirë nga Shqipëria.

Ai shkruan se Albania 1 dhe Albania 2 do ta monitorojnë vendin nga lartësia me një precizion të lartë.

Rama shton se Shqipëria do të ketë përdorim ekskluziv të tyre.

Ja çfarë thotë Rama:

GATI PËR T’U LËSHUAR në hapësirë nga Kennedy Space Centre në Florida të SHBA, dy sytë superteknologjikë që do të monitorojnë Shqipërinë nga lartësitë, me një precizion të lartë dhe qartësi të plotë figure deri në 75 cm2; Satelitët e ALBANIA 1 dhe ALBANIA2.

Shqipëria do të ketë përdorim ekskluziv të tyre, për përpunimin e Informacionit Gjeohapësinor (GIS) si dhe ofrimin e produkteve të imazherisë dhe komponentëve të tjerë të saj, e një sërë institucioneve e subjekteve, publike ose private, puna e të cilave lidhet me territorin, ujërat, pyjet, zjarret, mbetjet urbane, prodhimin bujqësor, zhvillimin urban, titujt e pronësisë, e me radhë.

/a.r