I zhdukur prej 15 vitesh, trupi i tij gjendet i dekompozuar brenda një makine Ford Fiesta 80 metra në liqen. Rasti është i një shtetasi italian, i cili ishte i martuar me një grua shqiptare, e cila quhet Elva Kurti dhe kjo e fundit është në kërkim nga policia.
Sipas mediave italiane, cifti ishte martuar pak kohë para se italiani të zhdukej.
“Hetimet janë duke u zhvilluar për të gjetur gjurmët e gruas së Rosario Tilotta, Elva Kurti, e cila nuk ndodhet më në Itali që nga viti 2007. Përgjigjet e konsullatës dhe të forcave të policisë shqiptare duhet të arrijnë po sot për të. Karabinierët gjithashtu janë duke e kërkuar përmes databazave të INPS, sepse gruaja duhet të marrë ende pensionin e burrit të saj”.
Të dielën e 1 Shtatorit, u mor në pyetje vëllai i viktimës, Diego Tilotta, i cili edhe pse i kishte ndërprerë disa kohë kontaktetn me Rosarion, shpjegoi se vëllai i tij kishte dëgjuar se harxhonte shumë, shumë para, por askush në familje nuk e dinte se me çfarë merrej ai në jetë dhe me kë frekuentohej.
Por ata kishin shqetësimin se ai i ishte futur një rruge të keqe.
Sipas policisë, viktima dhe gruaja e tij shqiptare nuk kanë asnjë precedent penal.
Shqiptarja, e cila mbërriti në Itali në 2002, duket se nuk është ndalur kurrë gjatë kontrolleve për ushtrimin e prostitucionit nga policia italiane.
Për momentin të gjitha hipotezat mbeten të hapura për vrasjen e italianit dhe prokurori Giancarlo Mancusi nuk ka hapur ende një dosje penale me një akuzë.
Tilotta mund të ketë humbur kontrollin e makinës dhe të ketë rënë në liqen për shkak të ndonjë sëmundjeje ose një aksidenti, ndërsa vëllai përjashton mundësinë që ai të ketë kryer vetëvrasje.
Ose, në rastin më të keq, ai mund të jetë hedhur në liqen me makinë pasi mund të jetë droguar ose lidhur.
Autopsia do të duhet të zbulojë nëse ka pasur shenja dhune në trup dhe nëse me të vërtetë kishte mbetur për 15 vjet, në errësirën e liqenit.
g.kosovari
