Pas arritjes së marrëveshjes Basha-Rama, Partia Demokratike do votojë sot në Kuvend pro ngritjes së komisioneve të Vettingut, pas një bllokimi tre mujor, që kur opozita bojkotoi Parlamentin.
Ngritja e komisioneve i hap rrugë zbatimit të reformës në drejtësi
Burime nga mbledhja që Basha pati me grupin parlamentar bëjnë me dije se PD ka propozuar emrat e Oerd Bylykbashit, Eduard Halimit, Aldo Bumçit dhe Fatmir Mediut, si anëtarë të komisioneve të Vettingut.
Ndërkohë që maxhoranca nga ana e saj i ka miratuar që në seancat e mërparshme anëtaret për komisionet e vettingut.
Këta emra pritet të votohen dhe zyrtarizohen sot. Kuvendi i Shqipërisë pritet të mblidhet pasditen e të hënës, në një seancë të jashtëzakonshme rreth orës 18:00, mbledhje kjo e thirrur nga kryetari ende në detyrë Ilir Meta./a.ç
