Ky është momenti kur forcat e Policisë arrestojnë Granit Pepnika, bossin e mashtrimeve me call center në një rezidencë në Drimadhes. Granit Pepnika është arrestuar nga forcat operacionale dhe policia e Vlorës.
Policia ka dhënë detaje të tjera lidhur me operacionin në Drimadhë, ku janë arrestuar dhe dy persona të tjerë. Në pranga ranë Xhoni Hitaj, 31 vjeç dhe Redion Rexhmati, 28 vjeç.
Hitaj ishte shpallur më herët në kërkim “, si i dyshuar për veprën penale “Mashtrimi kompjuterik”, ndërsa Rexhmati akuzohet për veprën penale “Përkrahja e autorit të krimit”.
Në rrugë operative policia e Vlorës ka patur informacion mbi vendndodhjen e tij dhe e ka mbajtur në vëzhgim.
Në momentin kur po dilte për të shkuar për të pushuar e kanë arrestuar. Operacioni është finalizuar nga Operacionalia e Policisë së Vlorës. Granit Pepnika nuk ka patur kohë të reagojë. Gjatë kontrollit të ushtruar në vilën ku qëndronin, shërbimet e Policisë gjetën dhe sekuestruan një armë zjarri pistoletë, si dhe një sasi lënde narkotike, e dyshuar cannabis sativa.
Arrestimi i tij vjen në kuadër të dosjes së bujshme të call centerave, që dyshohet se kanë mashtruar qindra qytetarë europianë dhe kanë shkaktuar një dëm financiar që llogaritet mbi 50 milionë euro.
