Në vazhdim të turit të tij elektoral Vangjush Dako ka zhvilluar një takim me banorë të lagjeve 5 dhe 6 të qytetit të Durrësit.
Në fokusin e bashkisë, krahas projekteve për përmirësimin e vazhdueshëm të infrastrukturës është edhe punësimi i banorëve të Durrësit ka thënë Dako në këtë takim. Dhe për këtë qëllim projekti më madhor është ndërtimi i Parkut Industrial për të cilin bashkia ka vënë në dispozicion 480 ha tokë truall si dhe ka krijuar të gjitha lehtësirat e nevojshme për realizimin e këtij projekti.
“Projekte të tilla do të realizohen edhe për faktin se tashmë ky qytet nuk i përket vetëm durrsakëve por ai është një qytet mbarë kombëtar dhe më gjerë” – ka thënë Dako.
