Ndeshje me Sportingun ishte vërtet një rikthim në familje për Cristiano Ronaldon, jo vetëm pse luajti kundër skuadrës ku nisi futbollin si profesionist, para se të shkonte te Manchester United. Në daljen në fushë dhe gjatë ekzekutimit të himnit të Champions League, Ronaldo u shoqërua nga nipi i tij, Dinis. Ai është djali i motrës së sulmuesit të Real Madridit, Katia Aveiro, e cila nxitoi ta shprehte kënaqësinë në Instagram.
Daja Ronaldo edhe i shkuli me shaka veshët nipçes gjatë himnit, teksa të dy i buzëqeshnin njëri-tjetrit.
“Nuk gjej dot fjalë për ta përshkruar këtë pamje. Dy breza në një foto dhe dy nga njerëzit që dua më tepër”, shkruan Katia në Instagram.
DailyMail/d.i.
