Ndryshimet e viteve të fundit të Dafina Zeqirit nuk janë mirëpritur shumë nga fansat e këngëtares, e cila aktualisht nuk ka më famën dhe përkrahjen që kishte dikur.
Imazhi i vrazhdë që po ndërtohej nga Dafina, me tatuazhe në çdo pjesë të trupit, flokë të shkurtra e veshje të ndryshme, nuk po përqafohej nga fansat e saj. Dalëngadalë, këngëtarja ka filluar të rikthehet në identitet, duke u shfaqur e ëmbël si dikur.
Në vazhdën e këtyre ndryshimeve, Dafina tashmë ka hequr disa prej tatuazheve në gishta, që më shumë se diçka estetike, ngjanin me një shkarravitje të paplanifikuar.
Heqjen e tatuazheve këngëtarja po e bën në Shtetet e Bashkuara të Amerikës, nëpërmjet ndërhyrjes me lazer, por siç duket, praktika që po ndjek duket mjaft e dhimbshme. Në një foto të publikuar, duart e Dafinës duken të djegura në vendet ku qëndrojnë tatuazhet e saj, dhe këto pamje kanë shokuar jo pak fansat e saj.
BW