Deputetja Arta Dade ka ngritur në Komisionin e Jashtëm shqetësimin e mungesës së trupit diplomatik në Shkup.
Kjo, pas vdekjes së ambasadorit shqiptar në Maqedoni, Petrit Bushati.
Dade tha se në Maqedoni shqiptarët janë faktor stabiliteti në këtë vend dhe Tirana zyrtare duhet të ketë përfaqësuesin e vet.
Petrit Bushati, ambasadori i Shqipërisë në Shkup ndërroi në nëntor, jetë pas një sëmundje të rëndë.
Edhe pse ka kaluar një kohë e gjatë, në Maqedoni nuk është emëruar ende ambasadori i ri.
Ndërsa deputeti demokrat ka thënë:
“Është shumë e qartë që kriza në Maqedoni nuk ka shkaqe etnike, por është një krizë e krijuar nga zbatimi i putinizmit. Një sistem autoritar që po zbatohet nga qeveria aktuale dhe kryeministri, i cili po kontrollon institucionet e pavarura, median, godet opozitën, dhe po zbaton modelin e Putinit në Maqedoni. Një shqetësim i ngritur nga Sekretari amerikan i Shtetit dhe zyrtarë të tjerë të lartë perëndimorë, për këtë rrezik të dobësimit të demokracisë në Europën Lindore dhe në Ballkan”, tha Bumçi, raporton TCH.
Ai akuzoi Ministrinë e Punëve të Jashtme si shkaktaren e ngërçit në emërimin e ambasadorit të ri në Shkup, pasi sipas tij, tashmë ka vetëm ambasadorë politikë, gjë që e ka kundërshtuar Presidenti i Republikës, Bujar Nishani.
