Shefi i diplomacisë serbe Ivica Daçiç deklaroi sot se “nuk pret kurthe” në kapitullin 35 për Kosovën, duke theksuar se dialogu i Prishtinës dhe Beogradit edhe në të ardhmen do të zhvillohet në Bruksel Shefi i diplomacisë serbe Ivica Daçiç ka deklaruar sot se “nuk pret kurthe” në kapitullin 35 për Kosovën, duke theksuar se dialogu i Prishtinës dhe Beogradit edhe në të ardhmen do të zhvillohet në Bruksel.
Daçiçi për gazetën “Politika” të Beogradit, siç transmeton rtk, ka thënë edhe se kapitullin në fjalë “nuk paraqet zëvendësim për dialogun” dhe ka cekur se edhe më tej do të bisedohet me ndërmjetësimin e përfaqësueses së lartë për politikë të jashtme dhe siguri Federica Mogherini. Sipas fjalëve të tij, Serbia do të realizojë çdo gjë që do të arrihet si marrëveshje në Bruksel.
