I papunë dhe pa asnjë të ardhme në Shqipëri? Më mirë në burg në Itali. Me këtë citim e nis shkrimin e vet media italiane që ka për personazh kryesor një shqiptar. Ai quhet Milto Dosi 45 vjec dhe është nga Vlora.
Milto Dosi, 45 vjeç nga Vlora, nuk ka menduar dy herë. Parate e fundit i la per te blere një biletë për traget që e çoi në anën tjetër të Adriatikut, përshëndeti gruan dhe tre fëmijët e tij, dhe zbriti në Ancona dhe menjëherë, shoqëruar nga avokati, është paraqitur në stacionin policor në Pesaro.
Ai e dinte se çfarë po bënte: në vitin 2012, kur ai jetonte në Itali, ishte dënuar me 3 vjet burg për droge.
Në vitin 2014, kur kishte ende 12 muaj burgim për te shërbyer, u dëbua, me detyrimin që të mos vinte me kembe ne Itali, deri ne vitin 2024. Por kjo nuk ndodhi, pasi i erdhi thorrja per te shlyer edhe njehere denimin e mbetur.
Policet u habiten kur ai ishte i buzeqeshur, madje edhe gazetaret teksa ai u dha kete pergjigje: “Në vendin tim u përpoqa të bëhesha shofer kamioni, si në Itali, por kur arrija në Gjermani, Francë, Austri, policeve u dilte para dekreti i dëbimit dhe me kthenin mbrapsh” – tha Dosti, duke shpjeguar vendimin e marre.
“Nuk kisha asgjë për të ushqyer familjen time. Kështu që unë thirra avokatin tim dhe i thashë se nuk kisha zgjidhje, duhet te mbaroja denimin qe te mund te jetoja e punoja pa probleme’- thote ai.
Gjykata e Pesaro ka urdhëruar që për momentin Milto Dosi të mbetet në shtëpinë e shtëpisë së vëllait të tij, që jeton në Fano.
Më 3 korrik ai do të paraqitet në gjykatë për t’u përgjigjur për shkeljen e urdhrit të deportimit, me rrezikun e kthimit. /panorama/b.d
