Ish truproja i ish-kryeministrit Berisha Agron Kuliçaj, është zgjedhur në komisionin Etik të Federatës Shqiptare të Futbollit. Denoncimi vjen nga deputeti socialist Taulant Balla. Sipas tij, në listë ishte dhe Dashnor Sula, ish-deputeti që thuhet se përdorte pistoletën personale në ndeshjet e futbollit.
Ja postimi i Ballës:
“Sot ne Asamblene e Pergjithshme te Federates Shqiptare te Futbollit (FSHF) u zhvilluan zgjedhjet per Komisionin e Etikes.
Ne kete komision u zgjodh edhe ish-bodigardi i Sali Berishes, Agron Kulicaj, i cili rezulton te kete marre me shume vota sesa Hito Hitaj, nje ikone e gjalle e historise se futbollit shqiptar.
Nderkohe ne listen e kandidateve ishte edhe ish-deputeti i PD Dashnor Sula.
Si ka mundesi qe ne kete Komision kaq te rendesishem te FSHF propozohen keta lloj njerezish.
Si mund te futet ne votim Dash Sula, kur vete FSHF i ka ndaluar perjete prezencen ne nje stadium futbolli per goditje me arme dhe kercenim me jete te gjyqtareve te futbollit.
Si ka mundesi qe nje njeri i inkriminuar si Agron Kulicaj mund te kontrolloje etiken ne futbollin shqiptar.
Ne foton bashkangjitur edhe emrat e fituesve.
Respektoj kater zoterninjte e tjere, por eshte nje turp qe FSHF ben keto lloj procesesh dhe perkrah emrave te nderuar te futbollit, vendos ish-bodyguardin e Sali Berishes apo ish-deputetin e dhunes neper stadiume.
Shpresoj qe Asambleja e FSHF te reflektoje. Ta largoje Agron Kulicajn”, shkruan Balla.