Trajnerë te ndryshem kanë metoda të ndryshme për të karikuar futbollistët. Metodat qe ata ndjekin para apo gjatë një ndeshjeje futbolli jane te ndryshme, por ritet e trajnerit Joaquin Caparros tek Majorka janë të vecanta.
Në sezonin 2012-2013, kur Majorka ndodhej në kulmin e betejës për mbijetesë në La Liga, përpara ishte një sfidë tepër e vështirë me Atletik Bilbaon.
Trajneri i asaj kohe i Majorkas gjeti një metodë origjinale për të karikuar futbollistët e tij.
Ai u shfaqi atyre një film pornografik dhe u kërkoi lojtarëve që të ishin më energjikë në fushën e lojës, njësoj si aktori në film.
Ai që ka bërë publik këtë detaj është Anderson Conceicao, ish-futbollist i Majorkas, që aktualisht luan për Philadelphia Union.
“Para ndeshjes trajneri Caparros na tregoi një video nga një film porno. Trajneri donte të na ngrinte moralin, por ne nuk e kuptuam idenë e tij, derisa na tha që tensioni ynë në fushë duhet të ishte i njëjtë me atë të aktorëve porno”, rrëfen futbollisti.
E në fakt “strategjia” funksionoi në përmirësimin e shpirtit të skuadrës, sipas spanjolles “Sport”, por sërish Majorka humbi ndeshjen me rezultatin 1-0.
