Legjenda holandeze, Johan Cruyff, beson se trajneri i Chelseat Jose Mourinho është shembull i keq për fëmijët. Portugezi që më parë ka menaxhuar edhe Real Madridin, Interin dhe Porton njihet për fjalor të pahijshëm dhe është kritikuar disa herë për përleshjet me doktoreshën e klubit, Eva Carneiro.
“Ai është kontrovers. Çfarë më pëlqen te ai është se ai është gjithmonë në gjendje të krijojë lidhje të mirë mes lojtarëve dhe ajo që nuk më pëlqen është se e pozicionon përherë veten si të parin. Ai duhet të jetë në rend të dytë. Nuk mendoj se po i edukon lojtarët të luajnë futboll ose po i edukon për jetë. Ai duhet të sillet më mirë sepse ai do të jetë në media në githë botën”, ka thënë Cruyff për “SkySports”.
