Ronaldo mund të transferohet në MLS në Amerikë.Cristiano Ronaldo, larg Real Madridit është një hipotezë që mund të bëhet shumë shpejt realitet, të paktën siç informon e përditshmja sportive spanjolle “Mundo Deportivo”.
Për portugezin madje thuhet se e ardhmja mund të jetë në Major League Soccer, kampionatin amerikan, ku 4 herë fituesi i “Topit të Artë” mund t’i bashkohet ekipit më të ri, Los Angeles Football Club, që do të militojë për herë të parë duke nisur nga viti 2018.
Në objektivat e amerikanëve është afrimi i kampionëve nga e gjithë bota, por ende nuk dihet vullneti i Ronaldos.CR7 pëlqehet shumë edhe nga disa klube në Premier League, mbi të gjitha Manchester United, por edhe nga Paris SG i sheikut Nasser Al-Khelaifi.
Megjithëse nuk ka diçka konkrete nga vetë CR7 lidhur me këtë, në Spanjë raportojnë se portugezi dëshiron largimin nga “Santiago Bernabeu” në fund të këtij sezoni, përgatiti ”Gazeta Express”. (b.an)
