Kryetari i Partisë Bindja Demokratike, Astrit Patozi ka reaguar pas ankimit të Partisë Bashkimi Demokrat Shqiptar, që kërkon në Kolegjin Zgjedhor çregjistrimin e kësaj force të re politike nga zgjedhjet.
Patozi thekson se pas partisë fantazëm kërkon çregjistrimin e “Bindjes” nga zgjedhjet, fshihet Lulzim Basha.
Kreu i Bindjes Demokratike thekson se Lulzim Basha është angazhuar seriozisht në betejën kundër BD-së. Ai thekson me tej se Bashës po i rrezikohet karrigia.
“Lulëzim Basha është angazhuar seriozisht në betejën kundër BINDJES DEMOKRATIKE, tanimë duke u përpjekur ta pengojë atë që të marrë pjesë në zgjedhje.
Ndërkohë që për të gjithë demokratët shqiptarë kundërshtar mbetet Edi Rama dhe qeveria e tij, për Lulzim Bashën kundërshtar është BINDJA DEMOKRATIKE, pasi, me sa duket, atë e shikon si rrezik për karrigen e tij.
Përdorimi i disa klubeve me maska për të shantazhuar BINDJEN DEMOKRATIKE, që ajo të shmanget nga gara, do të dështojnë ashtu siç dështoi edhe fushata qesharake e gjetjes së nënshkrimeve të parregullta, të cilat u mblodhën në një kohë rekord.
BINDJA DEMOKRATIKE vazhdon t’i qëndrojë vendimit të saj për të garuar në çdo bashki të vendit, përveç atyre ku mund të rikandidojnë bashkiakë të djathtë në detyrë ose kandidatë të pavarur.
Ajo është në një aleancë të gjerë me demokratët shqiptarë në gjithë vendin, përveç Lulzim Bashës, i cili ndjehet më i kërcënuar nga BINDJA, se sa nga Edi Rama”, thekson Patozit.
g.kosovari
