Cristiano Ronaldo po mendon të blejë një apartament të dytë në të famshmen Trump Tower, vetëm pak muaj pas bleu apartamentin e parë, me vlerë 18.5 milionë euro, shkruan TMZ.
I vendosur në Fifth Avenue në New York, apartamenti me sipërfaqe 233 metra katror u ble nga ylli i Real Madrdit në gusht.
Tani portugezi mendon të blejë një tjetër apartmanet, ku më parë kanë banuar prindërit e Donald Trump.
Ky apartament, në katin e 63-të, ka sipërfaqe 343 metra katror dhe kushton 23 milionë euro.
Megjithatë, Ronaldo do të ketë konkurrencë të fortë, pasi ka edhe shumë blerës të tjerë potencialë me profil të lartë.
Çmimi dhe konkurrenca nuk janë problemi më i madh, pasi në fund është vetë Donald Trump ai që vendos se kush do ta blejë apartamentin.
