Pas zgjedhjes së Skënder Hitës si drejtor i Përgjithshëm i Policisë së Shtetit, kreu i PD, Sali Berisha e sulmoi menjëherë atë si të lidhur me krimin e organizuar.
Duke komentuar këtë deklaratë të Berishës, në një intervistë për Report TV avokati Spartak Ngjela tha se kreu i PD nuk flet kurrë me fakte, por vetëm kërkon të njollosë figura të ndryshme me akuza të paprovuara.
Por, më pas ai nuk ka dashur të vijojë më tej me komentet mbi qëndrimet e Berishës dhe e ka lënë intervistën përgjysmë, duke iu drejtuar gazetarit me fjalët:
“Me Saliun do merrem unë ore? Ku flet ai me fakte ore? Keni ndonjë pyetje tjetër? Atë e ka zgjedhur mazhoranca e shtetit ore. Hajde, vazhdoni, nuk merrem unë me broçkullat e Saliut. Nuk mund ta njollosë dot Saliu sepse është ‘non grata’ në Amerikë dhe në BE. Keni ndonjë pyetje jashtë kësaj partie? Ç’punë kam unë kë zgjedh një parti ore? Opozitë nuk ka as sot, sepse nuk ka vota. Ore zotëri duhet t’i qëndrosh strikt kërkesës sime, nuk flas unë për parti politike. Politikë është kur flasim për kryeministrin dhe kompani ore”, tha Ngjela.
