Në Pekin janë administruar mbi 2 milionë doza të vaksinës Covid-19 ndaj fëmijëve rezidentë nga mosha 3 deri në 11 vjeç. Shifra u publikua nga autoritetet lokale, cituar nga “Xinhua”.
Që nga 28 tetori, kryeqyteti kinez ka filluar të ofrojë vaksinim për të miturit nga 3 deri në 11 vjeç, nga të cilët afro 1.37 milionë janë vaksinuar.
Fëmijët e kësaj grupmoshe mund të vaksinohen vetëm nëse kujdestarët e tyre janë informuar mirë dhe ofrojnë pëlqimin e tyre vullnetar.
Që nga mesi i tetorit të këtij viti, përveç Pekinit, një numër në rritje i nënndarjeve kineze të nivelit provincial, duke përfshirë Hubei dhe Liaoning, kanë zgjeruar programet e tyre të vaksinimit Covid-19 për të përfshirë fëmijët nga mosha 3 vjeç, në vend që të kufizojnë vaksinimin nga 12 vjet e lart siç ishte rasti më parë.
/b.h
