Një virologe kineze tha se Covid-19 është një armë biologjike.
Dr. Li-Meng Yan deklaroi se tezën e saj e mbështesin edhe e-mailet e dr. Anthony Fauci, të publikuara së fundmi nga mediat amerikane.
Yan tha se Fauci e dinte që po bëheshin eksperimente për të rritur fuqinë transmetuese të virusit.
“Këta njerëz e dinin se çfarë kishte ndodhur, por zgjodhën të fshihen pas Partisë Komuniste kineze dhe përfitimeve të tyre,” tha ajo.
Ajo ishte ndër të parat që deklaroi se koronavirusi ka dalë nga laboratori në Wuhan
Shkencëtarja kineze ka publikuar tre raporte ku thuhet se virusi ka dalë nga laboratori.
“Ky nuk është një patogjen natyral, por një armë biologjike e pakufizuar,” thuhet në raport.
Teoria se virusi ka rrjedhë nga laboratori u cilësua fillimisht një teori e çmendur konspiracioni, por tashmë administrata e presidentit amerikan Joe Biden, ka nisur të shqyrtojë mundësinë që virusi nuk është produkt natyror.
Edhe inteligjenca britanike ka shtuar dyshimet se virusi ka dalë nga laboratori.
g.kosovari
