Ish-kampioni olimpik i Greqisë, Pirro Dhima i cili u lind dhe rrit në Shqipëri ka rrëfyer se ka humbur njeriun e dashur nga COVID-19.
Për mediat greke, Dhima ka deklaruar se njeriun të cilin e humbi e kishte si ‘’vëlla’’ dhe ishte djalë i ri pa probleme të tjera.
“Duke parë numrin e të vdekurve në të gjithë botën dhe njerëzit që po ‘luftojnë’ virusin, ju e kuptoni se sa i madh është problemi. Por duhet të ndodhë afër familjes tuaj për të kuptuar se çfarë po ndodh. Kohët e fundit kam humbur një “vëlla”, njeriun tim të dashur, në Katerini. Ai ishte një djalë i ri pa probleme ”- tha Dhima.
Ai ka theksuar se i ka ‘duart lart’ sa i përket pandemisë, dhe po pret radhën për të bërë vaksinën ndaj COVID-19 pasi e cilëson si shpëtim.
“Sigurisht që do ta bëj vaksinen. Unë nuk kam asnjë problem para kamerave që dikush të mos thotë se unë thjesht po e them në teori. Ne kemi nevojë për të mbrojtur ata që janë përreth nesh, të moshuarit, grupet e prekshme dhe të jemi të fortë. Për t’i shpëtuar kësaj pandemie, më shumë se 70% e popullsisë greke duhet të vaksinohen, sipas ekspertëve. Qëllimi është të jemi fitues, të mos humbasim njerëz të tjerë tanë. Jeta njerëzore është mbi të gjitha”.- shtoi ai./a.p
