Franca pritet që të jetë vendi i radhës që mund të fillojë vaksinimin e popullsisë së shpejti. Mediat e huaja bëjnë me dije se në javën e fundit të dhjetorit pritet që Franca të fillojnë të marrë vaksinën për COVID-19 të zhvilluar nga Pfizer/BioNTech nëse autoritetet e Bashkimit Evropian e aprovojnë atë javën e ardhshme.
Kryeministri francez Jean Castex këtë të mërkurë nga Kuvendi është shprehur se fushata e vaksinave në Francë do të shtohej në janar, me të moshuarit dhe grupet e tjera më të rrezikuara që vijnë të parët në radhë.
NDër të tjera mediat bëjnë me dije se deri më tani Franca ka porositur 200 milionë doza të vaksinave të koronavirusit.
Siç thuhet më tej, Qeveria shpreson të japë vaksinë për rreth një milion njerëz në shtëpitë e pleqve gjatë janarit dhe shkurtit, dhe më pas një tjetër 14-15 milionë njerëzve në popullatën e gjerë midis marsit dhe qershorit.
Por paraprakisht, Franca po pret që agjencia rregullatore e BE-së të miratojë ndonjërën vaksinë. Agjencia Evropiane e Barnave ka paralajmëruar një takim mbi këtë çështje nga 21 dhjetor deri më 29 dhjetor.
“Me gjasë që evropianët e parë do të vaksinohen para fundit të vitit 2020”, ka shkruar martën në Tëitter, Presidentja e Komisionit të BE-së, Ursula von der Leyen.
Si shumë vende të tjera evropiane, Franca ka qenë duke luftuar një “ringjallje” të pandemisë në javët e fundit, pavarësisht nga një bllokim njëmujor që përfundoi të martën.
g.kosovari
