Në Itali, 24 orët e fundit u regjistruan 44 të vdekur, ndërsa janë testuar dhe disa qindra njerëz, prej të cilëve 338 dolën të infektuar. Numri i viktimave ditore është më i ulëti i kësaj periudhe. Aktualisht në Itali janë: 236.989 raste pozitive e 34.345 të vdekur.
Një ditë më parë, të shtunën, u raportuan 78 njerëz të vdekur dhe 346 të infektuar të rinj me koronavirus.
Më shumë se 175 mijë të infektar janë shëruar deri sot. Ende rezultojnë pozitivë rreth 28 mijë persona. Prej tyre, rreth 230 janë në gjendje kritike për jetën.
Që nga fillimi i pandemisë në Itali, më 21 shkurt 2020, janë evidentuar rreth 237 mijë të infektuar. Prej tyre, më shumë se 34 mijë kanë humbur jetën.
Aktualisht në të gjithë botën janë evidentuar rreth 8 milionë njerëz të infektuar. Nga këta, më shumë se 433 mijë kanë vdekur kurse mbi katër milionë njerëz ose gjysma e tyre rezultojnë të shëruar.
