Pas lajmit për urdhër arrestin e lëshuar nga Prokuroria e Tiranës, për Franceso Becchetin, qarkullon një shqetësim i madh.
A do të mbyllet Agoni? Televizioni shqiptar që transmeton në Itali është kufiri i ri i zhvendosjes, imagjinata e shndërruar në realitet.
Në faqen e saj online, gazeta italiane “Corriere della Sera” shkruan një artikull ironik me titull: “Francesco, Agon Man, Becchetti ricikluesi i lavdive të vjetra”.
Jo, Agon nuk është në agoni, madje po ritransmeton të gjitha intervistat e Sabrina Ferilit me të ftuarit e shquar italianë.
Dhe Beccheti nuk dorëzohet shkruan Corriere della Sera.
Sipas saj, pavarësisht nga mandat arresti për pastrim parash dhe falsifikim dokumentash, nuk ka asnjë qëllim për të mbyllur televizionin e tij, të vendosur në një kapanon, në Tiranë.
“Është një sajesë, nuk kanë prova, me janë vënë kundër, sepse televizioni im është i lirë”, eshte shprehur Beketi.
I lirë, po me të vërtetë i lirë, pergjigjet Corriere.
“Shqetësimi i dytë lidhet me reagimet e yjeve, të lirë dhe të fortë, Pupo, Sabrina, Simona Ventura, Veronika Maja, Luisella Kostamanja, Monika Seta, Lori del Santo, Madalena Korvalia.
Më i shqetësuar duket Pupo-shkruan Corriere Della Sera që ka rinisur të punojnë në RAI.
Në Shqipëri vazhdon më tej artikulli Beccheti udhëtonte me një eskorte dhe makinë të blinduar, i ulur mbi një pasuri, të ndërtuar nga plehrat, (mes televizionit mbeturinë dhe plehrave, lidhjet janë githmonë të ngushta), energjisë së erës dhe prodhimit të kartonxhesit, nënvizon Corriere della Sera.
Dicka duhet të ketë shkuar keq- thotë gazeta italiane- meqë tani duan ta fusin në kafaz. E akuzojnë për riciklim.
“Corriere della Sera” e mbyll shkrimin me pyetjen. E akuzojnë për riciklim parash apo riciklim të figurave të vjetruara të televizionit italian? /Tema/
