Conte ka lavdëruar Moratan për golin dhe paraqitjen ndaj Evertonit. Chelsea e ka mposhtur 2:0 Evertonin në xhiron e tretë në Premierligë, ku shkëlqeu sulmuesi spanjoll, Alvaro Morata.
Ai shënoi një gol dhe asistoi për një tjetër për “Blutë e Londrës”, që siguruan fitoren e dytë me radhë. Morata është lavdëruar nga trajneri, Antonio Conte, për paraqitjen dhe golin që shënoi ndaj Evertonit, nga i cili pret edhe më shumë.
“Jam shumë i lumtur më paraqitjen dhe golin që shënoi. Ky është vetëm fillimi, ai pak nga pak është duke u adaptuar në lojën tonë”, tha Conte, përgatiti Express.
