Conte ka kërkuar urgjentisht nga Morata që të përmirësohet para fillimit të sezonit të ri.
Trajneri i Chelseat, Antonio Conte, nuk është i kënaqur me paraqitjen e Alvaro Moratas në humbjen prej 2:1 ndaj Interit, dhe ka kërkuar nga spanjolli që të punojë shumë dhe të përmirësohet sa më parë.
Conte shpreson që Morata të punojë dhe përmirësohet sa më parë edhe fizikisht, para finales së Kupës së Anglisë me gjashtë gusht ndaj Arsenalit.
“Morata vetëm sa ka filluar të stërvitet me ne”, tha Conte. “Ai duhet të përmirësohet fizikisht dhe të adaptohet sa më parë në ekip”.“Po punon mirë, por ka vetëm pak ditë që është këtu.
Sot tentoi të bëjë më të mirën, por e vërteta është se ai duhet të përmirësohet”, shtoi mes tjerash Conte, përgatiti ”Express”. (b.an)
