Trajneri i Chelsea, Antonio Conte e ka përshkruar Eden Hazardin si “lojtar të kompletuar”, ndërsa është shumë i lumtur me formën momentale të belgut.
Hazard shkëlqeu në fitoren e thellë prej 5 me 0 ndaj Evertonit, përderisa dy herë u regjistrua në listën e realizatorëve, transmeton Koha.net.
“Eden zhvilloi një ndeshje të jashtëzakonshme. E dimë se është një talent i madh, dhe e shoh se ai është duke punuar shumë për ekipin. Ai është lojtar i kompletuar kur luan në mënyrën e tij”, është shprehur Conte për BT Sport.
Chelsea është duke kaluar në një formë të shkëlqyer, përderisa kanë arritur pesë fitore radhazi në Premier Ligë, duke shënuar 16 gola dhe duke mos pranuar asnjë. (b.an)
